மக்களே!

குளம் தூரெடுங்கள், வீடு பெருக்குங்கள்,

சாலை செப்பனிடுங்கள், சாக்கடை தள்ளுங்கள்,

பேருந்துப் பழுது நீக்குங்கள்,

மருத்துவமனை கழுவுங்கள்,

பள்ளி இடிபாடு செப்பனிடுங்கள்,

மாணவருக்கு வகுப்பெடுங்கள்,

நெரிசலை நெரிப்படுத்துங்கள்,

இருட்டில் விளக்கேற்றுங்கள்,

இருட்டை  கண்காணியுங்கள்,

பழுதான பாலம் பராமரியுங்கள்,

கோயில் பேணுங்கள்,

கடவுள் சிலை காவல் செய்யுங்கள்,

தேங்கிக் கிடக்கும்

வழக்குகளில் தீர்ப்பெழுதுங்கள்!

அரசு என் செயும்?

களை வளர்த்து, குற்றம் பேணி

ஊழல் பயிர் செய்து, கொள்ளை அறுவடையாக்கி,

வன்புணர்வுக்கும், கொலைக்கும் வாளாது இருந்து

காப்பவர் எனும் கடமையின் கழுத்து அறுக்கும்!

இது நம் நாடு!

நாம் தானே அதன் புதல்வர்!