நோய் முனைதல்

Posted on 25/04/2021 by S i Sulthan

விடாக்காய்ச்சலுக்கு மருந்து கண்டாயிற்று! விலை, வினியோகம், இருப்பு, தரகு, யாவும் தீர்மானித்தாயிற்று! அரச குலங்களின் பங்கு உரைத்தாயிற்று! அறுவடை நடக்கும் கம்பலை இன்றி! இனி நோய் பரப்புதல்… நாயோ, காகமோ, பகல் கொசுவோ காற்றோ, நீரோ, மாசுத் தூசோ உத்தேச மார்க்கம் உறுதிபடல் வேண்டும்! ………………………………………………………..நாஞ்சில் நாடன்..2019

More Galleries | பின்னூட்டமொன்றை இடுக

பின் நின்று எண்ணுதல்

Posted on 25/04/2021 by S i Sulthan

கணக்கெனக் கருதினால் இதுவென் நான்காவது கவிதைத் தொகுதி. இதனைச் சிறுவாணி வாசகர் மையம் வெளியிடுகிறது. முதல் தொகுப்பினை கோவை விஜயா பதிப்பகம் ‘மண்ணுள்ளிப் பாம்பு’ எனும் தலைப்பில் 2001-ம் ஆண்டில் வெளியிட்டது. ‘சரஸ்வதி’ இதழ் நடத்திய மூத்த அண்ணா நா.விஜயபாஸ்கரன் வெளியிட்டார். அந்தத் தொகுப்பில் 47 கவிதைகள். அடுத்த தொகுப்பு திருச்சிராப்பள்ளி உயிர் எழுத்துப் பதிப்பகம் ‘பச்சை நாயகி’ என்ற தலைப்பில் 2010-ம் ஆண்டில் வெளியிட்டது. சென்னை புத்தகத் திருவிழாவில் நண்பர் சுதீர் செந்தில் உடனிருக்க ‘உயிர்மை ‘ ஆசிரியர் கவிஞர் மனுஷ்ய புத்திரன் வெளியிட்டார். அந்தத் தொகுப்பில் 46 கவிதைகள். முதலிரண்டு தொகுப்பின் கவிதைகளையும் உள்ளடக்கி, மேற்சென்று யாம் யாத்த 32 கவிதைகளையும் சேர்த்து 2014ம் ஆண்டில், கோவை விஜயா பதிப்பகம் ‘வழுக்குப் பாறை’ எனும் தலைப்பில் மூன்றாம் தொகுப்பு வெளியிட்டது.

பிறகான கடந்த ஏழு ஆண்டுகளில் நானெழுதிய 38 கவிதைகள் தற்போது ‘அச்சமேன் மானுடவா?’ எனும் தலைப்பில் வெளியாகிறது. ஒத்த சிந்தனையும் நட்பும் கொண்ட சில இளைய எழுத்தாளர் என்னிடம் கேட்பது, “சமீப காலமாக நீங்க செய்யுள் ஏதும் எழுதலையா?’ என்று. என் கவிதைகள் குறித்த நேர்மையான இலக்கிய விமர்சனமும் ஆகும் அது. செய்யுள் எனும் சொல் பாடல், பாட்டு எனும் சொற்களின் உடன் பிறப்புத்தான். கவி, கவிதை எனும் சொற்கள் காலத்தால் பிந்தியவை. ‘கவியெனப் படுவது!’ எனும் தலைப்பில் எனதொரு முழு நீளக் கட்டுரை உண்டு. வஞ்சமின்றிக் காழ்ப்பின்றிப் பகையின்றி, சாதிச் சாய்வுகள் இன்றி, அழுக்காறுமின்றிக் கூறப்படும் எந்த விமர்சனமும் நல்ல நோக்கத்தின் பாற்பட்டதே! நமது கைப்புண்ணியம் எவ்வளவென நாமறிய மாட்டோமா?

பன்னீராண்டுகள் மாதவியுடன் கூடி வாழ்ந்து, மன முறிவினால் பிரிந்து கண்ணகியைச் சேர்ந்த காலத்து, தனது வறுமையையும் துன்பத்தையும் நினைத்து வருந்திக் கோவலன் கூறுவதாக சிலப்பதிகாரத்தில் புகார்க் காண்டத்தில் கனாத்திறம் உரைத்த காதையில் சில வரிகள் எழுதினார் இளங்கோவடிகள். ‘குலம் தரு வான் பொருள் குன்றம் தொலைத்த இலம்பாடு நாணுத் தரும் எனக்கு’ – என்று. இலம்பாடு என்றால் ஒற்கம். ஒற்கம் என்றால் வறுமை, துன்பம். ‘கற்றிலன் ஆயினும் கேட்க அஃது ஒருவற்கு ஒற்கத்தின் ஊற்றாம் துணை’

என்பது வள்ளுவம். கலித்தொகையும் புறநானூறும் ஒற்கம் பேசுகின்றன.

நாமிங்கு இரங்கிக் கூற வருவது, தமிழ்க்குலம் தந்த வானளாவிய கவிதைக் குன்றம் தொலைத்து விட்ட வறுமை எமக்கு நாணம் தருகிறது என்பது.

சங்க இலக்கியம் என அறியப்படும் பத்துப்பாட்டு. எட்டுத்தொகைப் பரப்பில் மொத்தம் பாடிய புலவர்கள் 473 என்றும் அவருள் ஒரேயொரு பாடலை மட்டுமே பாடியவர் 293 புலவர்கள் என்றும் பேராசிரியர் எஸ்.வையாபுரிப்பிள்ளை நிறுவுகிறார். அவரைத் தமிழ்த் துரோகி என்றது இங்கோர் இயக்கம். நல்ல வேளையாக வெள்ளாள எழுத்தாளன் என்று வரையறையும் செய்யவில்லை.

ஒரேயொரு பாடல் பாடியவர் பட்டியல், ஆடுதுறை மாசாத்தனார், ஆவூர் கிழார், இரும்பிடர்த்தலையார், இறையனார், கருவூர் இழார், கீரந்தையார், குட்டுவன் கீரனார், குறமகள் இளவெயினி, தாயங்கண்ணியார், நப்பசலையார் என நீளும்.

கணியன் பூங்குன்றன் பாடியது இரண்டு பாடல்கள். தனிப்பாடல் திரட்டில் ‘நாராய் நாராய் செங்கால் நாராய்’ பாடிய சத்திமுத்தப் புலவர் பெயரிலும் இரண்டு பாடல்களே கிடைத்துள்ளன.

சங்ககால ஔவையார் பெயரில் 59 பாடல்கள் மட்டுமே தற்போது நம் சேமிப்பில். அன்னவயல் புதுவை ஆண்டாள் கணக்கிலோ திருப்பாவை 30, நாச்சியார் திருமொழி 113, ஆக 143. காரைக்காலம்மை கணக்கில் திருவாலங்காட்டு மூத்த திருப்பதிகம் 11, மூத்த திருப்பதிகம் 11, திரு இரட்டை மணி மாலை 20, அற்புதத் திருவந்தாதி 101, ஆக 143.

இன்றுடன் கவிதை எழுதுவதை, நிறுத்திக் கொண்டால், எம் கணக்கில் 163 பாடல்கள் இருக்கும். எண்ணிக்கையை ஒப்பிட்டுப் பேச ஈண்டு யாம் முனையவில்லை. முன்னவர்களுடன் ஒப்பிடும்போது எம் கவித்துவத்தின் கற்பனையின் மொழியாளுமையின் இசைவுத் தன்மையின் ஒற்கம் நாணுத் தரும் எமக்கு. ‘நெடிய மொழிதலும் கூடிய ஊர்தலும் செல்வம் அன்று’ என்பார் நற்றிணைப் புலவர் மிளை கிழான் நல்வேட்டனார். நீளப் பேசுவதும் விரைந்து செல்வதும் செல்வம் இல்லை என்று பொருள். எனவே நம் கவிதையை நாமே பேசப் புகவில்லை .

இந்தக் கவிதைகளில் பெரும்பான்மையானவற்றை வெளியிட்ட ஏழு பருவ இதழ்களுக்கும் நன்றி. பன்னீராண்டுகளுக்கு முன்பே என் பெயரில் தளம் துவங்கி சிறப்புடனும் பொறுப்புடனும் நடத்தி வரும் எம் குடும்ப நண்பர், அன்பு சகோதரர், ஏர்வாடி S.I.சுல்தான் அவர்களுக்கு இச்சிறுநூல் சமர்ப்பணம்.

சிறுவாணி வாசகர் மையம் வெளியிடும் எனது நான்காவது நூல் இது. “அஃகம் சுருக்கேல்” ‘நவம்’ “நாமமும் நாஞ்சில் என்பேன்” என்பன முதல் மூன்று. தனது ஐந்தாவது ஆண்டுத் தொடக்கத்தின் போது எனதிந்தக் கவிதைத் தொகுப்பு வெளியாவதில் மகிழ்ச்சி.

இத்தொகுப்புக்கு அணிந்துரை எழுதிய, நான் பெரிதும் மதிக்கின்ற நண்பர் வ.ஸ்ரீ. அவர்களின் பெருந்தன்மைக்கு நன்றி.

சிறுவாணி வாசகர் மையத்தின் பொறுப்பாளர்களுக்கும் உறுப்பினர்களுக்கும் கொடையாளர்களுக்கும் நலம் நாடுபவர்களுக்கும் நன்றியும் வாழ்த்தும்.

என்றும் அன்புடன்

நாஞ்சில் நாடன்

கோயம்புத்தூர் – 641 042.

 15 மார்ச் 2021

Posted in அனைத்தும் | பின்னூட்டமொன்றை இடுக

கலையாகும் கைப்பின் சித்திரம்

Posted on 30/03/2021 by S i Sulthan

This gallery contains 1 photo.

சாம்ராஜ் ·  நாஞ்சில் நாடனின் மிதவை நாவலை முன்வைத்து நாஞ்சில்நாடனின் நான்காவது நாவலான மிதவை 1986இல் வெளிவருகிறது. என் தனித்த வாசிப்பில் ‘என்பிலதனை வெயில் காயும்’, ‘மிதவை’, ‘சதுரங்கக் குதிரைகள்’ மூன்றையும் அடுத்தடுத்து வாசிக்கலாம் என அந்தரங்கமாய்க் கருதுவேன். மூன்றுக்கும் ஒருவித தொடர்ச்சியும் உள்ளார்ந்த ஒரு சரடும் இருக்கின்றன, இன்னும் நுணுக்கமாகப் போனால் மிதவையின் நீட்சியே ‘சதுரங்கக் … Continue reading →

More Galleries | Tagged , , , , , , , | 1 பின்னூட்டம்

அச்சமேன் மானுடவா?

Posted on 25/03/2021 by S i Sulthan

This gallery contains 2 photos.

தன் தனிப் பேச்சில் சொல்பவற்றை பகிரங்கமாக எழுதுகிறவர், தான் உலகில் எதிர்பார்க்கும் அறங்களைக் கெடுக்காத வகையில் பெரிதும் வாழ்பவர் திரு. நாஞ்சில் நாடன் அவர்கள். தன்னிடம் கூட தன்னுடைய இதுநாள் வரையிலான வாழ்க்கையின் சுவடுகளால் பாரபட்சம் இருக்கக்  கூடும் என்கிற தெளிவு உள்ளவர். நமக்கும் காழ்ப்புகள் உள்ளன, கட்டுப்படுத்தும் மனச் சாய்வுகள் உள்ளன என்பதை அறிந்தவர். … Continue reading →

More Galleries | Tagged , , , , , | பின்னூட்டமொன்றை இடுக

”மாரி வாய்க்க!”

Posted on 24/03/2021 by S i Sulthan

This gallery contains 1 photo.

“மாரி வாய்க்க!” நாஞ்சில் நாடன் பதிற்றுப் பத்து என்னும் நூலின் எட்டாம் பத்துப் பாடிய புலவர் அரிசில் கிழார் மட்டுமே பாட்டும் தொகையும் எனும் பதினெட்டு சங்க இலக்கிய நூல்களில் தகடூர் எனும் சொல்லை ஆண்டிருக்கிறார். அன்றைய தகடூர்தான் இன்றைய தர்மபுரி என்பதை நான் அறிந்துகொண்டேன். அதை அறிந்துகொள்ளக் காரணமாக இருந்தவர் கால் நூற்றாண்டுக்கு முன்பெனக்கு … Continue reading →

More Galleries | Tagged , , , , , | 1 பின்னூட்டம்

ஆனைதுரப்ப அரவு உறை ஆழ்குழியில் விழும் தேனின் அழிதுளி

Posted on 11/03/2021 by S i Sulthan

This gallery contains 1 photo.

சுனில் கிருஷ்ணன்  நாஞ்சில் நாடனின் நாவல்களை முன்வைத்து 1, நாஞ்சில் நாடன் 150 க்கு மேற்பட்ட சிறுகதைகளை எழுதியுள்ளார். இப்போதும் எழுதிக் கொண்டிருக்கிறார். பழந்தமிழ் இலக்கியங்கள் மற்றும் சொல்லாய்வுகள் சார்ந்து தொடர்ந்து முக்கியமான பல கட்டுரைகளை அண்மைய ஆண்டுகளில் எழுதி வருகிறார். தோராயமாக நாநூறு கட்டுரைகளுக்கு மேல் இருக்கலாம் என உரையாடலின்போது கூறினார். முறையே ‘கறங்கு’ … Continue reading →

More Galleries | Tagged , , , , , , , | பின்னூட்டமொன்றை இடுக

கதை பேசலாம் | நாஞ்சில் நாடனின் ‘இடலாக்குடி ராசா’ | UyirmmaiTV

Posted on 10/03/2021 by S i Sulthan

 

Posted in அசைபடம், அனைத்தும், நாஞ்சில்நாடனின் கதைகள் | Tagged , , , , , , | பின்னூட்டமொன்றை இடுக

Nanjil Nadan speech | கி.ராஜநாராயணன் – மிச்சக் கதைகள் | நாஞ்சில் நாடன்

Posted on 23/02/2021 by S i Sulthan

Nanjil Nadan speech | கி.ராஜநாராயணன் – மிச்சக் கதைகள் | நாஞ்சில் நாடன்

https://youtu.be/YTc_PLomAGs
 
Posted in அசை படங்கள், அனைத்தும் | Tagged , , | பின்னூட்டமொன்றை இடுக

2021 க்கான “நாஞ்சில்நாடன் விருது”

Posted on 23/02/2021 by S i Sulthan

This gallery contains 2 photos.

கோவையிலிருந்து செயல்பட்டுவரும் “சிறுவாணி வாசகர் மையம்”2018 முதல் ஆண்டுதோறும் சமகாலத்தில் வாழும் படைப்பாளுமையான திரு.நாஞ்சில்நாடன் பெயரில் விருதுவழங்கி வருகிறது. 2021 க்கான “நாஞ்சில்நாடன் விருது” “மணல்வீடு”திரு. ஹரிகிருஷ்ணன் அவர்களுக்கு வழங்கப்பட உள்ளது.விழா பற்றிய விவரங்கள் விரைவில் அறிவிக்கப்படும். விருதாளர் பற்றி… சேலம் மாவட்டம் ஏர்வாடியைச் சேர்ந்த தவசி கருப்புசாமி என்கிற மு.ஹரிகிருஷ்ணன் (44)ஆவணப்பட இயக்குநர்.ஓர் நிகழ்த்து … Continue reading →

More Galleries | Tagged , | பின்னூட்டமொன்றை இடுக

வெங்காயக் கண்ணீர்

Posted on 19/02/2021 by S i Sulthan

This gallery contains 1 photo.

நாஞ்சில் நாடன் இடுக்கண் எனும் சொல்லுக்குத் துன்பம் என்று பொருள். ‘இடுக்கண் வருங்கால் நகுக’ என்பார் திருவள்ளுவர். ‘இடுக்கண் களைவதாம் நட்பு’ என்கிறார். இடுக்கண் எனும் சொல்லுக்கு Distress, Woe, Affliction என்று பொருள். ‘இடுக்கண் வந்துள்ள காலை, எரிகின்ற விளக்கு’ காற்றில் நடுங்குவது போல, மனம் நடுக்குறும் என்பார் திருத்தக்க தேவர், சீவக சிந்தாமணி … Continue reading →

More Galleries | Tagged , , , , , | 1 பின்னூட்டம்

நாஞ்சில்நாடனின் கதைகளில் இலக்கியம்

Posted on 10/02/2021 by S i Sulthan

This gallery contains 1 photo.

ஜெயமோகன் நாஞ்சில்நாடனின் கதைகளில் மிகநம்பகமான ஒரு புறச்சூழல் இருப்பதை நீங்கள் காணலாம். அது நாஞ்சில்நாடாக இருந்தாலும் சரி, மும்பையாக இருந்தாலும் சரி, கூர்மையான தகவல்களுடன்கூடிய சித்தரிப்பு நம்மை அந்தச்சூழலை மிகத்தெளிவாக கண்முன் என பார்க்கவைக்கிறது.  ‘அம்பாரிமேல் ஓர் ஆடு’ என்ற ஆரம்பகால கதையையே எடுத்துக்கொள்ளுங்கள். மும்பையின் ஓர் உயர்தர சபாவின் மிதப்பான சூழலை எந்த முயற்சியுமில்லாமல் … Continue reading →

More Galleries | Tagged , , , , , | பின்னூட்டமொன்றை இடுக

தற்குத்தறம்

Posted on 07/02/2021 by S i Sulthan

This gallery contains 1 photo.

பேசும் புதியசக்தி தீபாவளி மலர் நாஞ்சில் நாடன் காலையில் வெந்தயக் கொழுக்கட்டை அவித்திருந்தார் தவசிப்பிள்ளை கண்ணுபிள்ளை. மாவரைத்துப் பிடித்துக் கொதிக்கும் தண்ணீரில் போட்டு வேகவைத்து எடுப்பதல்ல வெந்தயக் கொழுக்கட்டை. இட்டிலிச் சட்டுவத்தில் வைத்து அவித்து எடுப்பது, சுடச்சுட, நல்லெண்ணெய் விட்டுப் புரட்டிய தோசை மிளகாய்ப்பொடி தொட்டுக் கொண்டு ஆர்வமாக ஏழெட்டுத் தின்ற பிறகும் எழுந்து கை … Continue reading →

More Galleries | Tagged , , , , , , | 2 பின்னூட்டங்கள்

கைவிடப்பட்டவரின் பிரதிநிதி

Posted on 28/01/2021 by S i Sulthan

This gallery contains 1 photo.

கைவிடப்பட்டவரின் பிரதிநிதி காளிப்ரஸாத்  சற்றே கசப்பு நிறைந்த எழுத்து தன்னுடையது என்றே நாஞ்சில் நாடன் அவர்கள் சுயமதிப்பீடு செய்கிறார். (சூடிய பூ சூடற்க – முன்னுரை). ஒரு வாசகனாக அதைக் கசப்பு என்று என்னால் சொல்ல இயலாது. சீற்றம் என்று சொல்லலாம். அவரது சிறுகதை தொகுப்புகளில் படிப்படியாக அந்த சீற்றம் வளர்ந்து கொண்டே போவதைக் காணலாம். … Continue reading →

More Galleries | Tagged , , , , , , , | 1 பின்னூட்டம்

நாஞ்சில்நாடன் நேர்காணல் – சுனீல் கிருஷ்ணன்

Posted on 26/01/2021 by S i Sulthan

This gallery contains 1 photo.

எனது சிறு வயதில், எங்கள் ஊரில் சுடலைமாடன் சாமி கொண்டாடி ஆராசனை வந்து ஆடுகிறபொழுது அதைப் பார்க்கும் எனக்குள் அந்தரங்கமானதொரு மெய்சிலிர்ப்பு, அதிர்வு, அச்சம், பக்தியுணர்வு இருக்கும். அவர் திரும்பினால் நான் அந்த இடத்தை விட்டு நகர்ந்து நிற்பேன். 2020இல் சுடலைமாடன் ஆராசனை வந்து ஆடுகிறபொழுது, தார்ரோட்டில் எதிரே பேருந்து வருகிறது. எனக்கு அவரைப் பார்த்தால் … Continue reading →

More Galleries | Tagged , , | பின்னூட்டமொன்றை இடுக

எழுதுவதுமன்றி வாழ்க்கையின் அர்த்தமென்ன?

Posted on 16/01/2021 by S i Sulthan

This gallery contains 1 photo.

உயிர் எழுத்து’ ஆசிரியர், நண்பர் சுதீர் செந்தில் கூப்பிட்டுச் சொல்லியிராவிட்டால் நான் ஜெயந்தி கார்த்திக் எனுமிந்த புதிய நாவலாசிரியர் பெயரை அறிந்திருக்க வாய்ப்பில்லை. அவருடைய ஆக்கங்கள் எதனையும் இதற்குமுன் வாசித்திருக்கவும் இல்லை. லிங்கம்’ எனும் இந்த நாவலின் தட்டச்சுப்படி கிடைத்தபோது மகிழ்ச்சியாக இருந்தது. எந்தப் புதிய படைப்பு நூலையும் எழுத்தாளரையும் தமிழ்ப் படைப்பிலக்கிய சேனைக்குப் புதிய … Continue reading →

More Galleries | Tagged , , , , , | 1 பின்னூட்டம்

தாலிச் சரண் மறுவாசிப்பு

Posted on 30/12/2020 by S i Sulthan

This gallery contains 1 photo.

https://nanjilnadan.com/2011/06/19/தாலிச்சரண்/  

More Galleries | Tagged , , , , | பின்னூட்டமொன்றை இடுக

அம்மை பார்த்திருந்தாள் (சிறுகதை)

Posted on 29/12/2020 by S i Sulthan

This gallery contains 3 photos.

நாஞ்சில் நாடன் ஞாயிற்றுக்கிழமை காலை. இன்னும் எட்டுமணிகூட ஆகவில்லை. உறக்கம் விழித்து, கூரை எறப்பில் தொங்கிய பனையோலைப் பட்டையில் உமிக்கரி அள்ளி, தேரேகாலில் இறங்கிப் பல் தீற்றி, வாய் கொப்பளித்து முகம் கழுவியாகிவிட்டது. கிழக்கு நோக்கித் தாழக்குடிக்குப் பிரியும் கப்பிச்சாலையின் ஓரத்தில் குத்த வைத்து வெளிக்குப் போய், நாச்சியார் புதுக்குளத்தில் இருந்து தத்திப் பாய்ந்துவரும் ஓடையில் … Continue reading →

More Galleries | Tagged , , , , , , | 1 பின்னூட்டம்

நாடகம்- சிறுகதை- ஒலிக்கதை

Posted on 21/12/2020 by S i Sulthan

கதை சொல்லி: மாலதி சிவா அந்தப் பக்கம் நாடக சீசன். வருக்கை சக்கைப் பழத்துக்கு ஒரு சீசன் இருப்பது போல், செங்கை வருக்கை மாம்பழத்துக்கு ஒரு சீசன் இருப்பது போல், வெள்ளரிக்காய்க்கு ஒரு சீசன் இருப்பது போல், நாடகங்களுக் கான சீசன் அது. எல்லா ஊர்களிலும் சரித்திர சமூக நாடகங்கள் கொடி கட்டிப் பறந்தன. யார் … Continue reading →

More Galleries | Tagged , , , , , , | 4 பின்னூட்டங்கள்

எழுத்தாளர் நாஞ்சில்நாடனின் பார்வையில் பாரதி

Posted on 11/12/2020 by S i Sulthan


vijaya vasagar vattam

பாரதியெனும் ஆளுமையை ஆழ்ந்து ஆழமாய் புரிந்து கொள்வதை விட உணர்ந்து கொள்வோம்.அக்னி அலையும், அருவியில் சாரலும் ஒருசேர குயிலின் ஓசையோடு, காளியின் அருளின் பெற்று பாரதியை பருகுவோம்.

.Bharathi the greatest poet of inspiration,compassion,patriotism,love,far vision and with muchmore dimension who still lives by his poems and writings reaches his 139 th birthday coming DEC 11th.vijayapathippagam cordially invites you all to catch the fire of bharathi within you.

The forty year old exclusive shop for tamil books in coimbatore.various titiles of different writers under one roof. #vijayapathippagam#bookshop#nanjilnadan#bharathiyar

MAINSTORE: Vijayapathippagam, 20,Rajastreet, coimbatore. BRANCHES: ERODE,TIRUPUR,GANDHIPURAM(CBE),SINGANALLUR(CBE).

call: 0422 2394614, 2382614, 9047087053.

Posted in அனைத்தும் | பின்னூட்டமொன்றை இடுக

நாஞ்சில் நாடன் “ஓசை பெற்று உயர் பாற்கடல்“ கட்டுரைக்கு வாசகர் மறுவினைகள்

Posted on 11/12/2020 by S i Sulthan

This gallery contains 1 photo.

நாஞ்சில்நாடன் கட்டுரை ஓசைபெற்று உயர் பாற்கடல் பல அரிய செய்திகளை அறிவிக்கிறது. இசை கேட்பதென்பது வலிய பல மன அழுத்தங்களில் இருந்து விடுதலை. எழுத வாசிக்க முனைகையில் மனம் குவியவும் என அவர் எழுதுவது அனுபவித்தவர்களுக்குப் புரியும்.ஒருவருக்கு சபாபதி. மற்றொருவருக்கு ராமன் என்று மிகத் தெளிவாக எளிதாக நாஞ்சில் கூறும்போது பரவசப்படுகிறோம். அவர் வட இந்திய இசையையும் ரசித்திருக்கிறார் … Continue reading →

More Galleries | Tagged , , , , , | 1 பின்னூட்டம்

செடியாய வல்வினைகள்

Posted on 09/12/2020 by S i Sulthan

This gallery contains 9 photos.

தினமணி தீபாவளி மலர் 2020 நம்மைப் பற்றி, பிறர் எண்ணுகிற கெட்ட எண்ணங்கள் கூடச் செடியெனக் கொள்ளப்படலாம்.  ஏதாகிலும் செடியாய வல்வினைகளையும் தீர்ப்பதால்தான் அவன் இறைவன். இறைவன் என்பவன் எம்மதத்துக் கடவுளாகவும் இருக்கட்டும். அவன் செடியாய வல்வினைகள் போக்குபவன்.

More Galleries | Tagged , , , , , | பின்னூட்டமொன்றை இடுக

அன்னக் கொடை

Posted on 30/11/2020 by S i Sulthan

This gallery contains 1 photo.

முத்தாரம்மனுக்குக் கொடை என்றால் அவன் ஊரில் எப்போதும் அது அன்னக் கொடை, சில ஊர்களில் காட்டு என்பார்கள். உணவை ஊட்டுவதால் ஊட்டு. அமர்ந்து உண்ணும் இடம் ஊட்டுப்புரை. சத்தான உணவு ஊட்டம். அதிலிருந்தே ஊட்டச்சத்து. காளியூட்டு, தம்பிரான் ஊட்டு என்று நாஞ்சில் நாட்டில் கோயில் திருவிழாக்கள் உண்டு. உடன்தானே ஊட்டு மலையாளம் என்று தழைந்துவிட்டுப் பெயராதீர். … Continue reading →

More Galleries | Tagged , , , , , | பின்னூட்டமொன்றை இடுக