பல்லாயிரக் கணக்கான ஆண்டுகட்கு முன்பான தொன்மங்களின் அறச்சிக்கல்கள் இவை. பாவலர் வாழ்ந்த காலத்துக் தென்திருவிதாங்கூர் கோர்ட் மொழியில் எழுதப்பட்டுள்ளது இந்த நூல். குறிப்பாக வாதி, பிரதிவாதி, சாஷிகள், வக்கீல், வியாச்சியம், விசாரணை, பிரதிவாதி வக்கீல் கிராசு, வாதி வக்கீல் றீக்கிராசு, ஆர்டர், பிரசிடிங்ஸ், குற்றப்பத்திரிக்கை, ஹியறிங், ஜட்ஜ்மெண்ட், அப்பீல், புணர் விசாரணை போன்ற சொற்களை பயன்படுத்தியே வழக்குகள் விசாரிக்கப்பட்டுள்ளன. அன்றைய கோர்ட் நடைமுறைகள் எள்ளளவும் வழுவாது கடைப்பிடிக்கப்பட்டுள்ளன.

சற்று புராதானமாகிப்போன மொழி நடையைப் பொருட்படுத்தாமல் உள் நுழைந்தால் இலக்கிய நயங்கள் துய்க்கலாம். பருகும் பானத்தில் பன்னீராண்டுப் பழையது, பதினெட்டாண்டுப் பழையது எனில் விலை ஏறும் எனும்போது மொழியின் பழைமைத் தன்மைக்கும் விலை உயர்வுதான்… …...நாஞ்சில்நாடன்