40 ஆண்டுகளுக்குப் பிறகு இப்போது மக்கள் தொகை 7 கோடியைத் தாண்டிவிட்டது. இப்போது நாவல், சிறுகதைகள் 500 பிரதிகள்தான் அச்சிடப்படுகின்றன. கவிதை நூல்களாக இருந்தால் 250 பிரதிகள் தான் அச்சிடப்படுகின்றன. இதை ஒப்பிடும்போது இப்போது வாசிப்புப் பழக்கம் எப்படி குறைந்துள்ளது என்பது தெரியும். மலையாள நாவல்கள் குறைந்தது 30 ஆயிரம் பிரதிகள் அச்சாகின்றன.

சென்னை, ஈரோடு, கோவை மாவட்டங்களை ஒப்பிடும்போது, தென்மாவட்டங்களில் சமீபகாலமாகத்தான் புத்தகக் கண்காட்சிகள் அறிமுகம் செய்யப்பட்டன. மாவட்ட ஆட்சியர்கள் வாசிப்புப் பழக்கத்தை கொண்டுள்ளதால் அவர்களின் முயற்சியால் புத்தகக் கண்காட்சிகள் நடைபெற்று வருகின்றன.

பள்ளி, கல்லூரிகளில் படிக்கும் மாணவர்கள் நூலகத்தைப் பயன்படுத்திய ஒரு காலம் உண்டு. ஆனால் இன்று பல இடங்களில் நூலகங்கள் பயன்படுத்தப்படாமல் உள்ளன. இது மிகவும் வேதனை தருகிறது.

வாசிப்பு ஆர்வத்தை மாணவர்களிடையே ஏற்படுத்தவேண்டும். வாசிப்புப் பழக்கம் இருந்தால்தான் புதிய சொற்களை நம்மால் தெரிந்து கொள்ளமுடியும், புரிந்து கொள்ளமுடியும். தமிழகத்தில் குறைந்து வரும் வாசிப்புப் பழக்கத்தை அதிகரிக்க இதுபோன்ற புத்தகக் கண்காட்சிகள் பயன்படும். அதை மாணவர்கள் பயன்படுத்திக் கொள்ள வேண்டும். மதிப்பெண்கள் பெறுவதற்கு மட்டும்தான் கல்வி என்று நினைக்கக் கூடாது என்றார்.

தமிழில் புனைகதை இலக்கியம் என்ற தலைப்பில் வார்ஸா பல்கலைக்கழக முன்னாள் பேராசிரியர் தமிழவன் பேசினார். முன்னதாக குலசேகரம் ஸ்ரீமுகாம்பிகா மருத்துவக் கல்லூரி முதல்வர் பத்மகுமார் வரவேற்றார். நாகர்கோவில் கல்வி மாவட்ட தொடக்கக் கல்வி அலுவலர் ஐ. சிம்சன் நன்றி கூறினார்.

நாகர்கோவில் 19 August 2014