எனது கிராமத்தை உணர ஆரம்பித்திருந்த வாழ்க்கையை,சீரழிவுகளை,சிறப்புகளைப் பற்றி எனக்கு சொல்ல நிறைய இருந்தது.நாவல் என்பது கதை சொல்வதல்ல என்ற அறிவிருந்தது.நன்றாக உணர்ந்திருந்த வாழ்க்கையை கலையாகப் படைக்க முயற்சி செய்து கொண்டிருக்கும்போது அந்த வாழ்க்கையின் சகல சாராம்சங்களையும் சொல்லிவிடுவது எனக்கு அவசியமாக இருந்தது.

கவிதை,சிறுகதை,நாவல் என்ற ரீதியில் படைப்பில் ஈடுபாடு கொண்டிருக்கும் கலைஞன் தனது தேடல்களை சொல்லிச் செல்வதற்கு மொழியை நம்பி இருப்பவன்.நான் அடைந்த உணர்ச்சிகளை,ரசானுபவங்களை சொற்கள் மூலம் வாசகனுக்கு மாற்றம் செய்பவன்.எனவே இந்தப் பரிமாற்றத்தில் ஈடுபடும்போது தனது மொழியை,நடையை,தொனியை,தான் சொல்ல நினைக்கும் அனுபவத்துக்கு ஏற்ப அவன் தேர்ந்தெடுத்துக் கொள்கிறான்………நாஞ்சில்நாடன்

..