தமிழினம்

Posted on 01/08/2011 by S i Sulthan
 
வெண் ஊமத்தை பூ நிமிர்ந்து
சூரியனில் விடாய் அடங்கும்
பாதம் பதியாமல் பார்த்துப்போம்
சிறுமியரை மஞ்சட் சிறுநெருஞ்சி
காதில் அணிந்து போகக் கொஞ்சும்
பெரும்பித்தன் சடைமரத்
தவமியற்றும் வெள்ளெருக்கு
அதன் நீல நிறப் பங்காளி
ஏளனமாய்ச் சற்று சிரிக்கும்
தங்கரளி வெள்ளரளி செவ்வரளி
மாதர் சூடிக் கொடுக்காத தெனினும்
சுடர்கொடிகள்
பூச்சிமுள்ளின் ஊதா மலர்க்குழலில்
உட்புகுந்து தேன் கவரும் வண்டு
கொன்றை ஓய்ந்தபின்
களித்துப் பூச்சொரியும் வாதநாராயணன்
தொட்டாவாடி ஊதாப்பூவை
ஏதுறுஞ்சும் எனத் திகைக்கும்
துளசிபோற் பூத்த பார்த்தீனியம்
தானும் தொன்மைத்
தமிழினம்தான் என
வஞ்சமாய் மெல்ல நகைக்கும்
 
……………நாஞ்சில் நாடன்
உயிரெழுத்து ஆகஸ்ட் 2011

About S i Sulthan

Phone: 9443182309 Nellai Eruvadi
This entry was posted in “தீதும் நன்றும்”, அனைத்தும், இலக்கியம், நாஞ்சில்நாடனின் கவிதைகள் and tagged , , , , , , , , . Bookmark the permalink.

3 Responses to தமிழினம்

  1. N.Rathna Vel சொல்கிறார்:
    11:05 முப இல் 01/08/2011

    அருமை ஐயா.
    நன்றி.

    மறுமொழி
  2. தி. பரமேசுவரி சொல்கிறார்:
    7:36 பிப இல் 01/08/2011

    துளசிபோற் பூத்த பார்த்தீனியம்
    தானும் தொன்மைத்
    தமிழினம்தான் என
    வஞ்சமாய் மெல்ல நகைக்கும்//
    மிக அற்புதமான வரிகள். ஒரு நாற்பதாண்டு தமிழகத்தின் வரலாற்றை மிக அற்புதமாக நான்கு வரிகளுக்குள் சொல்லி விட்டீர்கள்.

    மறுமொழி
  3. Naga Sree சொல்கிறார்:
    7:01 பிப இல் 28/01/2012

    அற்புதமான வரிகள்.
    நன்றி

    மறுமொழி

Naga Sree -க்கு பதில் அளிக்கவும் மறுமொழியை நிராகரி