நாஞ்சில் நாடன்

(எண்களை குறித்த தொடர் கட்டுரைகள் பாகம் 2.)

7

திருக்குறள் கல்லாமை அதிகாரத்தின்  குறள் ஒன்று முக்கியமானது.
‘ கல்லாதான் சொல்கா முறுதல் முலைஇரண்டும்
இல்லாதாள் பெண்காமுற் றற்று’  என்று.                                                                                                                     வேறொரு உவபொருளில்  பார்த்தால், எனக்கு எப்போதும் சொல்மீது காமம் உண்டு. துல்லியமான பொருள் உணர்த்தும் சொற்கள்,இசைத்தன்மை கொண்ட சொற்கள், ஏற்கனவே அறிந்திராத ஆனால் மரபில் கிடக்கும் தொன்மையான‌சொற்கள் எனைக்  கிளத்திக்கொண்டே இருப்பவை.
அதன் விளைவாக முதலில் ‘கூன்’ என்றொரு கட்டுரை எழுதினேன். தொடர்ந்து ‘அட்டம்’ எனும் கட்டுரை எழுதினேன். ‘அட்டம்‘ எழுதும்போது வேறெதும் திட்டம் இருக்கவில்லை. ஆனால் அதை எழுதி முடித்த‌பிறகுஅந்தப் பாதையில் மேலும் சற்றுப் பயணமாகலாம் எனத் தோன்றியது.
ஒரு கணித மாணவன் எனும் விதத்தில் எல்லாஎண்களுமே கவித்துவமானவை எனக்கு. எண்கள்முன், பாவை நோன்பு நோற்கும்  பருவப் பெண் நான். மாணிக்க வாசகனின் திருவெம்பாவையில் இருந்து சொன்னால்,

சப்தம்.. தொடர்ச்சி