நாஞ்சில் நாடன்

சூரத்திலிருந்து திரும்ப,ரயில் நிலையத்தில் காத்திருந்தேன்.

சூரத் தொன்மையான நகரம்.மதுரை,காஞ்சி,காசி,கயா,வாதாபிபோல.

காஞ்சிப் பட்டுக்கு சூரத்தின் ஜரிகை, மாட்டு வண்டிக் காலத்தில் இருந்தே.

சாரம்,துண்டுக்கு இன்று ஈரோடு. ஜமுக்காளத்துக்கு பவானி,கரூர்.

சன்ன ரக இரட்டை வேட்டிக்கும் துவர்த்துக்கும் பள்ளியாடி,

பட்டுக்கு காஞ்சிபுரம்,ஆரணி,தர்மாவரம்,திருப்புவனம்,போச்சம்பள்ளி.

காற்சட்டை மேற் சட்டைத் துணிகளுக்கு பிவாண்டி,

பின்னலாடைக்கும்,துன்னலாடைக்கும் திருப்பூர்,

பெண்டிர் ஆடைத் துணிகளுக்கு மாலே காவ்,பருத்திப் புடவைகளுக்கு கல்கத்தா போல சிந்தடிக் துணிகளுக்கு சூரத். 

***